الى المشرفين خاصة : يمكن لو الاقتراح دا اتعمل يزود نشاط الاعضاء في المنتدى
السلام عليكم و رحمة الله و بركاته
كنت عايز اشير الى نقطة معينة وياريت تدوني ارائكم بعد اما تقروها
بالنسبة للنجوم اللي بتكون عند اسم العضو و اللي بتدل على مدى مشاراكته في المنتدى لاحظت ان الواحد لما بيشترك بيكون تحت مسمى عضو لحد تقريبا 30 مشاركة بعد كده بيكون عضو نشيط بعد عدد كبيرجدا من المشاركات اعتقد بيعدي الـ200 ثم بعد ذلك بياخد التسلسل الطبيعي اللي ادارة المنتدى عاملاه طبعا بعد اعداد مهولة من المشاركات
اللي انا عايز اقوله طاب ليه احنا منقللش العدد بتاع الانتقال من مرتبة الى مرتبة اخرى حتى لو ترتب على ذلك و ضع القاب جديدة يعني مثلا عشان افهمكم قصدي بعد 20 مشاركة مثلا يكون عضو نشيط و بعد كمان 30 مشاركة يكون عضو مجتهد و بعد كمان 40 مشاركة يكون عضو فعال ........... الخ
بدل مالواحد يحس انه قدامه كتير قوي عشان يوصل لمرتبة اعلى فممكن يصاب بحالة من الملل
أعتقد ان دا ممكن يكون عامل مشجع لكل واحد بيحب يشارك في اي حاجة
طولت عليكم انا اسف لكن انا في انتظار الردود و شكرا
لا تأسفن على غدر الزمان لطالما رقصت على جثث الاسود كلاب
لا تحسبن برقصها تعلو فوق اسيادها تبقى الاسود اسود و الكلاب كلاب
قل إن صلاتي و نسكي ومحياي و مماتي لله رب العالمين لا شريك له
الثلاثاء أكتوبر 02, 2007 3:40 am
