منتخبنا الغلبان شال فى اليابان

size=29] ]بقلم : محمود احمد ( الاهلاوى*)

من شويه خلص ماتش مصر و اليابان بفوز كبير لليابان 4 مقابل هدف من ضربه ثابته
و الحقيقه المستوى يفرح و النتيجه تفرح اكتر و بشرى لمنتخب قادر على هزيمه غانا فى ارضها
الفريق النهارده قدم مستوى طيب للغايه و كان الفريق كله نجوم بالزات المحمدى و هانى سعيد و فتح الله
طبعا باقى الفريق نجوم كبار بس دول نجوم فوق العاده
طبعا كل ده تريقه على اخيب منتخب شفته لمصر من ساعه مبدأت اشوف كوره
لا اداء ولا روح ولا تكتيك ولا اى حاجه
لعيبه الاهلى فى المنتخب 4 لعيبه
الحضرى و شادى و ابوتريكه و متعب
متعب مش بيلعب اساسى و الحضرى حارس مرمى و شادى مدافع
يعنى ابو تريكه فارق كل الفرق ده مع المنتخب؟
الاجابه اكيد لأ و لو فارق ابوتريكه او المحترفين الفرق الرهيب ده
يبقى من دلوقتى اقدر اقول شكرا لحسن شحاته على خلق فريق هزيل الاحتياطى بتاعه مش على مستوى دولى و بكده اتوقع الخروج بفضيحه حلوه فى غانا
المباريات الرسميه غير الوديه و المباريات الوديه دى مش بتعبر عن حقيقه المتخبات بس المستوى حقيقى ميشجعش
يا رب اكون انا غلطان و تكون الماتشات الرسميه غير الوديه