snipercappou
عضو نشيط
المساهمات : 72
تاريخ التسجيل : 05/10/2007
العمر : 33
الموقع : www.amrdiabworld.com
 |  موضوع: شوف طرائف المعلقين المصرين .... بجد حاجه تفرح  الأحد أكتوبر 14, 2007 2:05 pm | |
| [siz المعلقين المصريين من اسوء المعلقين في العالم مستحيل تقدر تستمتع بالماتشات و انت بتسمعهم يعني مثلا
الكابتن العظيم و العبقري " حمادة امام " في ماتش الاهلي الكوره راحت لحسام عاشور راح اتحمق قوي و قال " و خورشيد ماشي بالكوره يلا يا خورشيد " مين خورشيد ده .
الكابتن حمادة إمام في برنامج السهرة الرياضية كان بيعلق على هدف في الدوري الياباني ,, الفريق اللي أحرز الهدف كان التي شيرت بتاعه عليه إعلان لشركة هوندا للسيارات مكتوب على ضهر التي شيرت ,, الكابتن حمادة حصل عنده لبس و قال الآتي :
هوندا ماشي بالكورة ,, لعبها ناحية اليمين ,, راحت لهوندا ,, لعبها عرضية نموذجية ,, دخل و حطها جوووووووووون ,, مين اللي حطها ده ؟ ,, مش ممكن !! ,, هوندا برضه ,, أصل هوندا ده اسم منتشر قوي في اليابان زي أحمد و محمد عندنا كده.
و في ماتش ريال مدريد اول ما جمال الغندور انهي الماتش اتحمق و قال " و يصفر خالد الغندور " .
بس برغم كل ده وشه حلو جدا علي الاهلي و عمره ما علق ماتش للاهلي و الاهلي خسر عكس ميمي الشربيني و احمد شوبير النحس بيركب الاهلي اول ما بيعلقوا .
و السيد الثعلبي في يورو 2004 قعد يحكي تاريخ لاعب من لاتفيا و يتكلم ان اخته شغاله موديل و صحفيه في نفس الوقت و بتغطي اخبار الفريق و ان اللاعب كمان موديل و قعد يتكلم عن العيله نفر نفر .
عمنا مجدي عبد الغني علق علي ماتش الاهلي و اسمنت السويس في افتتاح الدوري قبل اللي فات و بعد ربع ساعه قمت خدت ريفو علشان الصداع و كنت اعتقد ان الشوط الاول خلص بصيت لقيت معداش غير ربع ساعه بس .
كان فى كأس العالم 2002 مباراة بين البرازيل وتركيا ( الدور الاول ) وقتها كان حارس تركيا روستو راسم خطين اسود تحت عنيه وشكله كان عامل زى الهنود الحمر .. وقتها انا كنت بتسأل عليه هو عامل كده ونفسي اعرف ؟؟
اللعب توقف والكاميرا ركزت على الحارس ... فمجدي اظاهر خد باله من اللى عمله الحارس قام قايل بكل عنطزة طبعا كلكم بتسألوا نفسكم ايه اللى حطه الحارس تحت عنيه ... وهيجي واحد يسألنى ايه ده ؟... طبعا هقوله معرفش
و في ماتش تركيا و البرازيل لما الكوره اتحدفت علي ريفالدو و قعد يمثل فضل مجدي مجدي عبد الغني يصرخ اطرده بقي يا راجل . تقولش ده من بقية اهله
و لما الحكم حسب ضربة جزاء غلط للبرازيل قال " الكوره دي بتفكرني بضربه الجزاء اللي لعبها في ماتش مصر و هولندا اللاعب مجدي عبد الغني أو أنا "
و لاعب البرازيل كان بيشتم الحكم بالبرتغالي قام قال " ده بيقوله كلمه كلمه بالبرتغالي زي في العربي عندنا ..... فتره سكوت .... زي كلمة اعتراض عندنا .
من فترة كان الكابتن مجدي عبد الغني بيتكلم عن فوز مصر بكأس الأمم الأفريقية الأخيرة في أحد البرامج التليفزيونية و قال الآتي :
كده مصر خدت كاس أفريقيا 5 مرات ,, و طبعاً احنا عارفين إن الكاميرون خدته 4 مرات ,, و غانا 4 هي كمان ,, و ما شاء الله كلهم أفارقة.
قبل كده في ماتش للزمالك و اسمنت السويس قال النجم بتاعنا"انا مش عارف ليه الاسمنت بيكسكس كده...يقعد يرجع يرجع...ماتنفعاش الكسكسه ده خالص في عالم كره القدم"...
اما عمنا الكواليني ده بقي صباح النحس اول ما يقول بركات بيلعب زي الفل لازم بركات يتصاب و يخرج و اي لاعب يحصله اي حاجه و رغاي و ممل و مش بيسكت خالص
و اشرف شاكر صاحب الجمله الشهيره في كاس العالم للشباب 2001 " شوف اليماني شوف اليماني نجم نجم نجم كبير ده تمنه حيوصل 20-30 مليون دولار و يستاهل و يستحق "
بعدها اليماني عمل الحادثه بتاعته و رجع يلعب مع الزمالك و فشل و مع الاسماعيلي و بقي لاعب عادي جدا
اما خالد كامل في مرة بيذيع ماتش في الراديو وواحد شاط كورة جت في العرضه زعق وقال يا خرااااااااااااااابي جت في العارضه
اما مدحت شلبي في مباراة مصر وبلجيكا سنة 2005 السلام الوطني وصورة الريس
مدحت شلبي: طبعا سمعنا السلام الوطني وأحلى حاجة فيه كانت صورة الريس مبارك، راعي الشباب والرياضة ولما فرقة بتاخد كاس يروح يجيبها من المطار، فيه ايه بقى يا جماعة؟ عايزين ايه تاني؟!
مرة ميمي الشربيني كان بيعلق على ماتش في المنصورة، فكل شوية يسمع صوت تخبيط شديد اوي على باب كابينة التعليق الخشبية، بعدين عيّل صغير مسك المايك وقال "بسم الله الرحمن الرحيم سيداتي آنساتي سادتي..." وفجأة صوت ميمي رجع تاني
مرة على القناة التالتة أيام مكانت بتنقل ماتشات ع النايل سات فبين الشوطين نسيوا يفصلوا الإرسال، كان الزمالك بيلاعب فريق تعبان ومحمود بكر بيعلق، فأول ما الاستراحة ابتدت جاله تليفون وابتدى يرد "فرقة مأسّدة يا راجل!!!"
مرة بردو بيعلق على ماتش في اسكندرية ومصر جابت جول فعبد الستار صبري بينط فوق اللاعيبة وده راح قايل "شوف الواد عبد الستار"
مرة تانيه قبل ما يقول بسم الله الرحمن الرحيم سمعنا صوته بيسأل المخرج "أخش؟" وراح داخل بعدها وسيداتي آنساتي وبتاع
وبطعا قلشته الكبيرة في ماتش الأهلي وأوكلاند في اليابان لما قال شبكة أوربت!
كان نهائي أوروبا ...جمهورية التشيك و المانيا محمود بكر كان بيعلق قام قايل ... الكوره مش مع جمهورية شبين ...
و مره كان بيعلق علي ماتش في الراديو..والموبايل بتاع ساعدته قاعد يرن...وهوة يكنسل...الموبايل يرن وهو يكنسل..
وهكذا طوال الشوط الاول من المباراه...!!!
وفي الشوط التاني...
قاعد يكح يكح لدرجه اني كنت هانزل اجيبلوا دواء كحه...!!!
و مره عبد السلام الحمامصي كان بيعلق علي ماتش للزمالك و الزمالك كان مغلوب و فجأة واحد من الجمهور اللي وراه قال " وشك نحس يا عبد السلام يا حمامصي يا ابن ال ...... " فضل ساعتها يقول الله الله الله و انا مالي انا ياريت الجمهور يكون ملتزم . بس كان شكله وحش قوي
وعلي طول حمادة امام لما يكون بيزيع ماتش للزمالك والكورة تروح لحازم وحازم يبقي لوحده يروح قايل وحازك يرقص الاول والتاني والتالت هههههههههههه
اي حد يحب يضيف حاجة يضيفها
واتمني الرد علي الموضووووووووووووووووع
| |
|
snipercappou
عضو نشيط
المساهمات : 72
تاريخ التسجيل : 05/10/2007
العمر : 33
الموقع : www.amrdiabworld.com
| | موضوع: رد: شوف طرائف المعلقين المصرين .... بجد حاجه تفرح الأحد أكتوبر 14, 2007 2:06 pm | |
| | |
|
محمود الاهلاوى
عضو مجتهد
المساهمات : 344
تاريخ التسجيل : 10/09/2007
العمر : 33
الموقع : قول فين الاهلاوى .......
| | موضوع: رد: شوف طرائف المعلقين المصرين .... بجد حاجه تفرح الإثنين أكتوبر 15, 2007 9:49 pm | |
| والله فعلا المعلقين المصريين سيئين لكن فى نفس الوقت مظلومين . يعنى المعلق بياخد كام . ( بيقبض كام) هما الافضل فى مصر * على محمد على ع الجزيزه اشرف شاكر على ART مدحت شلبى على اوربت و مودرن سبورت والخرافه : التونسى عصام الشوالى الذى لن يتكرر والقادم بقوه : محمود احمد ( الاهلاوى) انتظرونى | |
|
